समजदारी

समजदारी

समजदारी , मुळात ही असते कुणाची तरी मक्तेदारी ,

लोकांप्रमाणे चाललो तर आपण समंजस ,

' हुकूम मेरे आका ' म्हटलं तर आपण समंजस ... 

बर समंजस आपणच असावं ,

लोकांच्या अपेक्षांसाठीही आपणच झुरावं ... 

आपण कितीही समजून घेतलं तरी हे लोक समजून घेत नाही ,

एकदाही जर ऐकलं नाही तर ' नासमज ' हा ठपका कधी ठेऊ म्हणून त्यांना झोप लागत नाही ... 

माणूस अपेक्षा करतो दुसऱ्याच्या समंजसपणाच्या अतोनात काहीबाही ,

मग काय हा नासमजपणा नाही ?

कुणी समंजसपणाचा ठेका घेत नसतो ,

परत परत माणूस जास्त सहन करत नसतो ,

तरी का येते मग वागण्यात मक्तेदारी ,

आणि मग आपलीच गृहीत धरल्या जाते समजदारी ... 

इतकं समजून झालंय की समजून घेण्याची भीती वाटते ,

या खोट्या नांवाखाली कुणाचा गुलाम होण्याची भीती वाटते ...

या ' समजदारीलाच ' बनवलंय माणसाने हत्यार ,

आणि मग भक्ष्य बनतो असाच एक ' समजदार ' ,

असो ,

नेहमीच या जगात समजदार बनून चालत नाही ,

हे कलियुग आहे ,

येथे वाल्याचा वाल्मिकी होत नाही !