वर्तमान समाजाची विषण्ण दशा !
काय झाले आहे आजच्या युगाला ,
अनेक समस्यांचा विळखा बसलाय या देशाला !
परिस्थिती बघता आजची , डोळ्यांत येते पाणी ,
उघडपणे होत आहे समाजाची हानी !
जन्माला येण्याआधी छाटल्या जातात कळ्या ,
पण नाही बसत अशा हातात हथकड्या !
जिथे तिथे बघायला मिळतो स्वैर भ्रष्टाचार ,
आणि आम्ही देतो अशा पापांना आधार !
दंगे , बॉम्बस्फोट , कत्तली यात समाज बरबटलेला आहे
मनुष्य पशुपेक्षा वाईट बनत चाललेला आहे !
येथे देश करतो आहे नवतरुणांकडून आशा ,
व्यसनाधीन तरुणाई करते आहे फक्त निराशा !
लोकसंख्येचा भस्मासूर जातो आहे वाढत ,
गरिबांची होते आहे दिवसेंदिवस वाईट हालत !
नवी पिढी किती मदमस्त होते आहे आज ,
आईबापाला सांभाळण्याची वाटत आहे लाज !
अशा नव्या चंदेरी दुनियेत जगत आहे मनुष्य ,
आपल्या जुन्या संस्कारांना करतो आहे अदृश्य !
एकविसाव्या शतकाच्या नव्या पर्वात जगतोय आम्ही ,
स्वतःच्याच तोंडाला काळीमा फासतोय आम्ही !
कशी मिळेल अशाने जगण्याची दिशा ,
समाजाची होते आहे विषण्ण दशा !
No comments:
Post a Comment